Jo Chale to Jaan se Guzar Gaye

‎"Jo Chale to Jaan se Guzar Gaye"

tujhe kia khabar mere haal ki

mere dard mere malaal ki

ye mere khayal ka silsila,

kisi yaad se hai mila hua

usay dekhna usay soochna

meri zindagi ka hai faisla

ye usi ki palkon k saaye hain,

meri rooh mein jo utar gaye

ye janoon-e-manzil-e-ishq hai

"jo chale to jaan se guzar gaye"

Mujhe is muqam pe chorna

hai ye be-wafai ki intiha

k qafas ho jese khuli qaza

nahin sukh ka saans main lon sada

jinhen teri deed ki pyas thi,

wo katore nainon se bhar gaye

Ye janoon-e-manzil-e-ishq hai

"jo chale to jaan se guzar gaye..."

POSTED BY UMAIR JAVAID